شد صحيح لا اطيح

ليوم في تونس أحنا قدّام حاجتين: يا إما نقعدوا نتفرجو في الثورة يتمتعو بيها فسّاد... و يبرطعو فيها عباد لا صفة و لا صفات ، ويحاولوا يظهروا كأغلبية فاعلة ويحققو اللي يحبوه من التجهيل والتبهيم وتطيح القدر بين أولاد البلاد
وإلا تاقف دقيقة وتقول " توا لازمني نقوم لبلادي ... توا لازمني نفيق" !
من غير تكسير بطاطا... نهار السبت الجاي بش يصير الإعلان الفعلي لتكوين حركة فيق شبكة واسعة ومفتوحة و لاسلطوية للعمل الميداني و لاحتلال الساحات العمومية و نشر ثقافة الثورة و النزول بالخطاب النخبوي للعامة، رفقة مدونين و ناشطين و مواطنين بررة..
نعرف اللي برشة عباد جاتهم أفكار مماثلة ، لذالك نحن في حركة فيق ندعيو التوانسة الكل اللي قرو يفيقو بش يتحدو وينظمو للحركة!
أكهو ، زايد التبقبيق في الفارغ! من توا حدد موقعك ! يا إما فايق وإلا راقد !
https://www.facebook.com/3al7it/posts/148339031955891