رسالة إلى أبو عياض، من غير لا سلام، لا ز....

ميمونة تعريف ربي وربي يعرف ميمونة، إنت تعرف ألي لمقملين إلي معاك منيكين، واللي يدهم تحك فيهم على حطان قمبلة ولا زوز في تونس، منها يطيروا لقلق، ومنها يجربو شنوا تعلموا عليك، وكيما نقولوا المجراب تهمزو مرافقو، هوكا إنت عمل فيها حرب استباقية، ولا كما لامريكان ضربة جراحية، قول ألي لوخرين بش يقمبلو بش لوكن صارت حاجة من المقملين إلي كيفك هوكا لا حرج عليكم ونتم وحلتها فيهم قبل حتى ما تصير. إدا كنت تتصور إلا كان إنت تجم تهدد شعبنا راك غالط، احنا نقولك إلي إدا هلحكومة الفاشلة ما وقفتكش عن حدك، احنا قررنا بش نوقفوك، وين نزيد نعلمك إلي نعرفو عليك إلي إنت ما تعرفوش، من نوامر تلفونتك الكل، شكون معاك، شكون يعطي فيك فاللفلوس، وزادة تحركاتكم الكل. كيف إنت مستعار من اسمك ومن إسم بوك، خاطر احنا في تونس منسميويش بسم لولاد أما بسم البو، أحسن حاجة ليك ولينا بش تقميش حرب في بلدنا إلي احنا نحبوها مش كيف سيادتك، أنك تهز شلكتك، قملك، وترجع للمغارة إلي إنت جيت منها. حاجة أخرى احنا 
 لا علمانيين لا يسار، احنا حركة اليمين الوطني وشعارنا، الله، الوطن، الشعب، أما احنا لا مقملين، لا نحبو وجوه المعفنة كيفك.